direktor

28 თებერვალს გაიმართა საუკეთესო წლიური ანგარიშის და გამჭირვალობის დაჯილდოება BARTA 2024. საქართველოს მიკროსაფინანსო ასოციაცია წლებია ამ ღონისძიების პარტნიორია. ჩვენი ასოციაციის წევრი ორგანიზაციები მიკრობანკი კრისტალი და მიკრობანკი MBC გახდნენ BARTA-ს გამარჯვებულები. აღსანიშნავია, რომ კრისტალი უკვე მეექვსედ და MBC უკვე მეოთხედ გახდა ამ საპატიო ჯილდოს მფლობელი.

23 ივნისს საქართველოს მიკროსაფინანსო ასოციაციის ორგანიზებით ჩატარდა ასოციაციის წევრი მიკროსაფინანსო ორგანიზაციების შეხვედრა პერსონალურ მონაცემთა დაცვის სამსახურთან თემაზე: „პერსონალურ მონაცემთა დაცვის მნიშვნელობა და არსებული გამოწვევები“. სამუშაო შეხვედრაზე საუბარი კერძო სექტორში პერსონალურ მონაცემთა დამუშავების კუთხით არსებულ გამოწვევებს, დაიდენტიფიცირებულ პრობლემებსა და სამსახურის მიერ შემუშავებულ რეკომენდაციებს შეეხო. ასევე, განხილულ იქნა „პერსონალურ მონაცემთა დაცვის შესახებ“ ახალი საკანონმდებლო აქტი და მასთან დაკავშირებული ის ძირითადი საკითხები, რომელთა გათვალისწინება მნიშვნელოვანი იქნება მონაცემების კანონის მოთხოვნათა დაცვით დამუშავების უზრუნველსაყოფად. შეხვედრა ინტერაქციულ რეჟიმში წარიმართა და მას მიკროსაფინანსო სექტორის 20-მდე წარმომადგენელი ესწრებოდა. ღონისძიებას პერსონალურ მონაცემთა დაცვის სამსახურის კერძოს სექტორზე ზედამხედველობის დეპარტამენტის უფროსი - არჩილ ჯაველიძე და კერძო სექტორზე ზედამხედველობის დეპარტამენტის უფროსი იურისტი - ნინო ქათამაძე უძღვებოდნენ. მიკროსაფინანსო ორგანიზაციები თავიანთი საქმიანობის ფარგლებში დიდი მოცულობით პერსონალურ მონაცემებს ამუშავებენ. შესაბამისად, მონაცემთა დაცვის საკითხებზე ცნობიერების ამაღლება მნიშვნელოვნად გააუმჯობესებს პერსონალური მონაცემების დაცვის სტანდარტს და ხელს შეუწყობს მათი მხრიდან ერთიანი პოლიტიკის შემუშავებასა და გატარებას.

საქართველოს მიკროსაფინანსო ასოციაციის გამგეობის თავჯდომარემ - ნინო დევდარიანმა მონაწილეობა მიიღო, საერთაშორისო საფინანსო კორპორაციის (IFC) მიერ ორგანიზებულ ღონისძიებაზე, პანელურ დისკუსიაში. განხილულ იქნა მონაცემთა ციფრული კორიდორების ინიციატივა, რომლის მიზანია საქართველოში ჩამოსული უკრაინის მოქალაქეების დაკრედიტებაზე ხელმისაწვდომობის ზრდა.

საქართველოს მიკროსაფინანსო ასოციაცია შეუერთდა ინიციატივას “კორპორაციული სოციალური პასუხისმგებლობის (CSR-ის) დაინტერესებულ მხარეთა ფორუმს” და 14 დეკემბერს ხელი მოეწერა ურთიერთგაგების მემორანდუმს. აღნიშნული მემორანდუმი წარმოადგენს მხარეთა კეთილი ნების თავისუფალი გამოვლენის საფუძველზე კერძო, სამოქალაქო და საჯარო სექტორის წარმომადგენელთა შეთანხმებას საქართველოში კორპორაციული სოციალური პასუხისმგებლობის და მდგრადობის (CSR-ის) დაინტერესებულ მხარეთა ფორუმის დაფუძნებისა და ურთიერთთანამშრომლობის შესახებ, ქვეყანაში CSR-ის ხელშემწყობი პოლიტიკის და პრაქტიკის [...]